|
डरियै मना डरियै मना म्हानै खेवै म्हारा ईशु जी सदाई सागै सागै रेह्वै म्हारै ईशु जी पाणी म बी तु मत डरजै आग म बी तु मत डरजै पाणी थानै कोनी डुबोवै आग थानै कोनी जळावै सदाई सागै सागै रेह्वै म्हारै ईशु जी दिन की दुपारी म भय मत खाजै रात अंधेरी भय मत खाजै दिन की दुपारी चाए रात अंधेरी सदाई सागै सागै रेह्वै म्हारै ईशु जी आँधी तौफान म भय मत खाजै हारी बिमारी भय मत खाजै आँधी तौफान चाए हारी बिमारी सदाई सागै सागै रेह्वै म्हारै ईशु जी |
दारुड़्या थारी दारुड़्या थारी काँई गत होवली आत्मा नरग म जावली देशी को तू पावो पिकै,डौले ह मतवाळो टाबर-टिकर भुखा सोवै,तन प लागै स्याळो दारू थानै ड़सती जावै ह कैंसर-टिब्बी ल्यावै ह दारुड़्या थारी काँई गत होवली आत्मा नरग म जावली मरबा पाछै ह पीछताणो,कोनी चालै जोर ईशु की तू बांत मान ले,गेलो कोनी ओर पिले बचन को पाणी रे जिन्दगी थारी बण जाणी रे दारुड़्या थारी काँई गत होवली आत्मा नरग म जावली दुनिया को चानण दुनिया को चानण ईशु जी जिनै देख अंधेरो मिट ज्यावै हालेलुय्या होशन्ना होवै थारी जै-जैकार जीवन को पाणी ईशु जी, म्हारै मन की तिस बुझावै हालेलुय्या होशन्ना होवै थारी जै-जैकार जीवन की रोटी ईशु जी, म्हारै मन की भुख मिटावै हालेलुय्या होशन्ना होवै थारी जै-जैकार जीवन को गैलो ईशु जी म्हानै स्वर्ग म लेज्यावै हालेलुय्या होशन्ना होवै थारी जै-जैकार |
