परिचय: उत्तराध-अगुणा राजस्थान का शेखावाटी इलाका म कई गाँव अर कस्बा आवै ह। शेखावाटी की भुगोलिक सीमा आजका झुंझुनूं, सीकर अर चूरू जिला ताँई ह। विक्रम संवत 1423 म कछवावंश को राजा उदयकरण आमेर को राजा बण्यो अर आका बेटाऊँ शेखावत, नरूका अर राजावत नाम की शाख निकळी। राजा उदयकरण का तीसरा बेटा बालाजी शेखावतां का बुडा-बडका हा। आकै कनै बरवाडा की 12 गाँवा की जागीर ही। |
बालाजी का बेटा मोकल जी होया अर विक्रम संवत 1490 म मोकल जी का बेटा महाराव शेखा जी को जलम होयो।एई शेखावटी अर शेखावत वंश का प्रवर्तक होया। राजा रायसल, राव शिव सिंह, शार्दुल सिंह, भोजराज, सुजान सिंह जंय्यांका विर आजाद शेखावत राज की स्थापना कर्या। अर बठोथ, पाटोद का ठाकर डूंगर सिंह, जवाहर सिंह शेखावत भारत की आजादी ताँई अंग्रेजा क खिलाप लड़ाई चालू कर'र शेखावाटी म आजादी की रण-भेरी बजाई। |
सीकर: राजा महाराजा की टेम म सीकर ठिकाणो जयपुर रियासत को ई एक हिस्सो हो। सन् 1687 ई. क आस पास राव दौलत सिंह सीकर न बसायो जठै आज सीकर शहर को गढ़ बणेड़ो ह। ओ बी जमाना म विरभान को बास बाज्या करतो हो। सीकर जिले का लक्ष्मणगढ़, फतेपुर शेखावाटी ओर बी घणकराक कस्बा बडी-बडी हेल्यां की बजैऊँ प्रसिद्ध ह। आनै ओपन आर्ट गैलरी क नाम ऊँ बी जाण्यो ज्यावै ह। |
|
चूरू: राजा महाराजा की टेम म चूरू बिकानेर रियासत म आतो हो। चूरू न सन् 1620 ई. म चूहड़ा जाट बसाया हा। जीकै नाम ऊँ ई जिला को नाम चूरू पड़्यो। जिला की उत्तराध-आगुणी सीमा हरियाणा का हिसार जिला क लागै ह। |
|
झुंझुनूं: भुगोल का नजरिआ ऊँ झुंझुनूं शेखावाटी इलाका म आवै ह जिकी अगुणी सीमा हरियाणा क लागै ह। 1460 ई. क आस पास इनै झुंझा नाम को जाट बसायो हो। दिल्ली म तुगलका को राज खतम होबा क पाछै कायम खाँ को बेटो मुहम्मद खाँ इ इलाका प आपको हक जमा लिन्यो हो। महाराज भोपाल सिंह (1834-1771ई.) गरम्या म आराम करबा ताँई खेतड़ी महल न बणवायो हो। |
|
खास पन्नो | आबादी | म्हारो परिचय | म्हारूँ संपर्क |
Copyright © 2023,